Galaxy S22-ni naqilli və ya naqilsiz necə tez şarj etmək olar
Sürətli yüklənmə və Sürətli naqilsiz yüklənmə funksiyaları telefonunuzu tez şarj etmək üçündür. İlk üç dəfə Samsung sürətli şarj cihazını qoşduqda, telefon Sürətli yüklənmə funksiyasını aktiv etməyi təklif edəcək. Çox sürətli yüklənmə üçün Samsung tərəfindən təsdiq edilmiş 25 və ya 45 Vt gücündə adapterlərdən istifadə etmək lazımdır.
- Sürətli yüklənmə. Bu funksiyadan istifadə etmək üçün adaptiv sürətli şarjı dəstəkləyən şarj cihazı lazımdır. Adapterdə "Adaptive Fast Charging" yazısı olacaq.
- Sürətli naqilsiz yüklənm. Bu funksiyadan istifadə etmək üçün Naqilsiz şarjı dəstəkləyən bir cihaz lazımdır.
- Çox sürətli yüklənmə. Çox sürətli yüklənmə üçün USB PD (Power Delivery) şarj cihazından istifadə edin. Adapterdə "Super Fast Charging" yazısı olacaq.
Sürətli yüklənmə üçün adapter
Sürətli naqilsiz yüklənm
Çox sürətli yüklənmə
Qeyd:
- Bu funksiyalar Samsung tərəfindən təsdiq edilməmiş adapterlərlə işləməyə bilər.
- Telefon və ya ekranı söndürdüyünüz zaman batareya daha sürətli şarj olunacaq.
- Sürətli yüklənmə və Çox sürətli yüklənmə funksiyaları standart şarj cihazı üçün mövcud deyil.
- Şarj cihazı qızarsa və ya ətraf mühitin temperaturu yüksəlirsə, şarj sürəti avtomatik olaraq azala bilər. Bu, şarj olunan cihazın zədələnməsinin qarşısını almaq üçündür.
- Qidalandırma adapteri və məlumat ötürmə kabeli ayrıca satılır. Çox sürətli yüklənmə funksiyası üçün 45 Vt gücündə orijinal Samsung qidalandırma adapteri və Type-C - Type-C 5A kabelindən istifadə etməyi məsləhət görürük.
Şarj rejimini əl ilə necə dəyişmək olar
1. Parametrləri açın, Cihaza gayğı seçin.
2. Batareya düyməsini basın.
3. Doldurma parametrlərini seçin.
4. Lazımi şarj növünün sürgüsünü aktiv edin: Sürətli yüklənmə, Çox sürətli yüklənmə və ya Sürətli naqilsiz yüklənm.
Qeyd: şarj zamanı bu funksiyanı aktiv və ya deaktiv edə bilməzsiniz.
Simsiz enerji paylaşımı istifadə edərək başqa bir cihazı necə şarj etmək olar
Simsiz enerji paylaşımı funksiyası telefonunuzdan başqa bir Galaxy cihazını (telefon, saat və ya qulaqlıq) şarj etməyə imkan verir. Bunun üçün bir cihazı digərinin üstünə qoymaq lazımdır. Əsas cihaz şarj olunarkən də bu funksiyadan istifadə edə bilərsiniz.
- Tez parametrlər menyusunu açmaq üçün ekranın yuxarı hissəsini aşağı çəkin.
- Funksiyanı aktiv etmək üçün Simsiz enerji paylaşımı ikonuna basın.
- Şarj etmək istədiyiniz cihazı telefonunuzun ortasına, arxa tərəfləri bir-birinə toxunacaq şəkildə qoyun. Şarj başlayanda səs siqnalı və ya titrəmə eşidəcəksiniz. Şarj başa çatdıqda cihazları telefonunuzdan götürün.
Qeyd:
- Aksesuarlar Simsiz enerji paylaşımı keyfiyyətinə təsir edə bilər. Bu funksiyadan istifadə etməzdən əvvəl üzlükləri və ya aksesuarları çıxarmağı məsləhət görürük.
- Yaxşı əlaqə təmin etmək üçün cihazların yerini tənzimləyin. Naqilsiz şarj çarxının yeri cihazdan asılıdır.
- Simsiz enerji paylaşımı zamanı cihazları hərəkət etdirməyin və ya istifadə etməyin.
- Bu funksiyadan yalnız Naqilsiz şarji dəstəkləyən cihazlar istifadə edə bilər.
- Simsiz enerji paylaşımı zamanı bəzi funksiyalar işləməyə bilər.
- Digər cihaz tərəfindən alınan güc telefonunuz tərəfindən ötürülən gücdən az ola bilər.
- Telefonunuzu şarj edərkən başqa bir cihazı şarj edirsinizsə, şarj sürəti azala bilər və ya şarj cihazının növündən asılı olaraq cihaz düzgün şarj olmaya bilər.
- Şarj sürəti və ya effektivliyi cihazın vəziyyətindən və ya ətraf mühit şəraitindən asılıdır.
- Naqilsiz şarj zamanı telefon və şarj olunan cihaz arasında əlavə əşyaların (kredit kartları, halqavari tutacaq və ya telefonun metal üzlükü) olmamasına əmin olun.
Simsiz enerji paylaşımı üçün limit necə qoymaq olar
Şarjin ötürülməsinin dayandırılacağı şarj səviyyəsini təyin edə bilərsiniz.
1. Parametrləri açın, Cihaza gayğı seçin.
2. Batareya düyməsini basın.
3. Simsiz enerji paylaşımı seçin.
4. Batareya limiti düyməsini basın və lazımi dəyəri təyin edin.
Batareyanı şarj edərkən məsləhətlər və təhlükəsizlik tədbirləri
Samsung tərəfindən təsdiq edilmiş şarj cihazlarından istifadə etməyi məsləhət görürük. Uyğun olmayan batareyalar, şarj cihazları və ya kabellər telefonunuza zərər verə bilər.
- Şarj cihazının səhv qoşulması cihazın ciddi zədələnməsinə səbəb ola bilər. Səhv istifadədən yaranan zədələrə zəmanət şamil edilmir.
- Telefonla birlikdə verilən USB Type-C kabelindən istifadə edin. Micro USB kabelindən istifadə cihazı zədələyəcək.
- Kabel qoşulma yuvasında nəm varsa, telefonu şarj etməyin - bu ona zərər verə bilər. Cihazı şarj etməzdən əvvəl yuvanı yaxşıca qurudun.
- Adapterdə söndürmə düyməsi yoxdur. Şarj cihazı istifadə olunmadıqda, enerjiyə qənaət etmək üçün onu rozetkadan çıxarın. Şarj zamanı adapter asanlıqla əlçatan olmalıdır.
- Şarj performansını təmin edən Samsung tərəfindən təsdiq edilmiş Naqilli və ya Naqilsiz şarj cihazından istifadə etməyi məsləhət görürük.
- Batareya tamamilə boşaldıqda, telefon şarj cihazı qoşulduqdan dərhal sonra açılmaya bilər. Telefonu açmazdan əvvəl batareyanın bir az doldurulması üçün bir neçə dəqiqə gözləyin.
- Eyni zamanda bir neçə tətbiqdən, şəbəkəyə və ya başqa bir cihaza qoşulmadan istifadə edirsinizsə, batareya tez boşalacaq. Məlumat ötürülməsi zamanı batareyanın boşalmaması üçün bu tətbiqlərdən həmişə batareya tam doldurulduqdan sonra istifadə edin.
- Telefonu şarj cihazı deyil, başqa bir qidalandırma mənbəyindən (məsələn, kompüterdən) şarj edirsinizsə, cərəyanın az gücü səbəbindən şarj sürəti aşağı ola bilər.
- Şarj zamanı telefondan istifadə onun tam şarj olunmasına qədər olan müddəti artırır.
- Qidalandırma mənbəyi qeyri-sabit işləyirsə, sensorlu ekranı işləməyə bilər. Bu halda telefonu şarj cihazından ayırın.
- Şarj zamanı şarj cihazı qızıla bilər. Bu normaldır və cihazın işləmə müddətinə və ya işinə təsir etmir. Batareya adi haldan daha çox qızarsa, şarj cihazı telefonu şarj etməyi dayandıra bilər.
- Naqilsiz şarj zamanı şarj cihazı və telefon arasında əlavə əşyaların (kredit kartları, halqavari tutacaq) olmamasına əmin olun.
- Telefon düzgün şarj olunmursa, onu və şarj cihazını Samsung servis mərkəzinə aparın.
Qeyd: cihazın ekran görüntüləri və menyu maddələri cihaz modelindən və proqram təminatının versiyasından asılı olaraq fərqlənə bilər.
Şərhiniz üçün təşəkkür edirik!
Bütün sualları cavablandırın.